【台總統大選】
充斥血淚的反送中浪潮，牽動800公里外居台港人的心。擁有投票權的三名港人，都不約而同表示會將票投給蔡英文，不求甚麼巨大轉變，只求維持現存民主自由。對於藍營一直指控蔡用香港這把「槍」操控「亡國感」，他們反指，蔡是「提醒」台灣人該有的亡國感。
記者：周凱瑩
攝影：彭志行 夏家朗
「中共玩緊一個遊戲，就係用台灣嘅自由去消滅台灣嘅自由。」台北出生、居港30多年的杜家祁是一名資深文學工作者，曾在香港多間大專院校任教，因為機緣巧合（姑且說是孽緣），要與中共打交道。她說：「中共有樣嘢係好叻嘅，佢會用你嘅遊戲規則去同你玩、打冧你，完全變返佢遊戲規則。台灣人好天真，即使係藍營嘅人都唔了解共產黨。你去問共產黨邊個創立？問十個九個都會答毛澤東。」
杜家祁自詡了解中港台。年少時台灣尚未解嚴，「大家講嘢都要一模一樣，我好唔鍾意」，於是去香港讀書。始終是來自不自由的地方，有點小蝦碌場面，「喺台灣，睇電影之前大家都要唱國歌，要企起身，我喺香港睇電影準備好要起身唱歌，先發現冇呢樣嘢。」
搬回台灣，是源於大陸出生的丈夫，四、五年前覺得香港越來越像大陸。「當時都冇諗到香港發生咁大件事（反修例），但𠵱家睇返轉頭，就覺得我老公有先見之明。」即使不捨，也從不自由的香港奔回自由的台灣。
過去幾屆選舉，杜家祁仍覺得「投唔投差別不大」，「住落四五年，𠵱家（不投的話）差別會好大」。這名首投族的第一票將投蔡英文，「我識嘅香港人來台灣，多數都覺得香港唔再係以前嘅香港，香港藍同台灣藍有相當大程度重叠，台灣藍對香港反送中冷淡啲；但越綠的越着緊，或者係失去自由嘅恐懼。」
另一名移民到台南的港人連峻，以前家住金鐘，不時去夏愨道跟學生聊天，「睇吓有咩幫手，又諗吓有啲理念。再諗吓香港政府畀到咩我？好簡單，我淨係想食到飯，想睇到個天空，又點解新移民來到香港上樓會快啲呢？醫療點解要排咁耐，耐到我已經唔再病，死咗睇唔到醫生呢？」雨傘革命讓他加緊腳步離開。
來到台灣，他做回老本行，開心理學短期班，不時還會開班教廣東話，堂上會唱《海闊天空》，介紹香港新聞，有關於政治的、娛樂的都有，引導學生去想：如果台灣不保護現有價值，未來會不會變成香港？有關明日台灣，連峻說起一個有趣的現象：「呢幾個月人哋一知我係香港人，都會同你講『加油啊』。我都會同佢哋講返，你都要加油啊。要投蔡英文！」
但萬一國民黨勝選呢？「韓國瑜講嘢，完全係香港四點鐘娛樂節目！」連笑說，韓當選或引發大規模撤資，「佢之前入中聯辦，係中國扯線公仔，而逃難來台嘅港人可能又要再逃難多次。」
這種對紅色侵襲的恐懼，在11年前嫁到台灣的Athena看來也尤為明顯。過去半年，十個朋友中有六、七人向她查問移民，「無論支持邊一方，都覺得香港好亂，特別有家庭嘅，會擔心小朋友。」Athena續說：「其實過去十年我一直都講我真係好後悔過咗來台灣」，但今年終於都改口。
台灣過去四年經濟沒見起色，在很多人心中，蔡英文在經濟上的表現可說是差，「近幾年出口業受打壓，本來好多人希望郭台銘出來選。」但Athena仍會投蔡，「因為她至少可以維持現狀，另外兩名候選人，畀不了台灣咩未來」。