【爆相爆片】現年57歲的富婆關之琳（之之）經歷過兩次婚姻失敗，回復單身後生活繼續精采，日前下午她跟一名戴着黑超的肥叔叔結伴在山頂盧吉道行山，本報讀者陳先生透過「爆相爆片」分享當時的情況，指兩人邊行邊傾，似傾緊財務分析。
似傾財務分析
陳先生接受電話訪問時表示：「大約3點幾，見到關之琳喺山頂盧吉道同個光頭男人行山，關之琳戴咗頂帽，同個男人邊行邊傾，聽到男人講廣東話，應該係香港人，年紀大約50、60歲。佢哋講吓沿途風景，主要都係男人講嘢多，聽到佢提到『好過住私家』，又講到『三萬蚊一個月收入，五千攞去供寶馬，一萬蚊攞去交租。』好似傾緊財務分析。」
身穿黑色運動衫、戴黑帽的之之，行山期間雙手不時叉腰或放在身後，兩人並肩而行，但步速頗快，幾乎逢人過人。平日警覺性甚高的之之，行山期間似乎發現被拍攝，即時拉低帽子遮樣，並放慢半個身位步伐。
十分注重儀容
當行到人多地方時，之之更耷低頭盡量保持低調，此舉成功避開其他行山人士及旅客目光。不過之之十分注重儀容，不時整帽又整頭髮。陳先生說：「佢哋表現唔似男女朋友，冇蹺手冇拖手，行完山就直接到山頂廣場停車場，應該攞車離去。」
之之在2015年跟第二任丈夫陳泰銘離婚，之後享受單身女人的自由自在生活，又積極花心思設計自家時裝品牌。雖然未傳出新戀情，但她不愁寂寞，去年9月生日時，除了獲好友甄子丹、汪詩詩慶祝外，更被三名男士包圍唱K，又收到紅色玫瑰花形蛋糕，生活多姿多采。
採訪：皓騫