胡杏兒、姚子羚和李施嬅昨晚現身灣仔演藝學院，支持胡說八道會好姊妹黃智雯及袁偉豪主演的舞台劇《今晚打老虎》首演。
談到演出舞台劇，姚子羚表示：「其實我好細個時曾經做過，我希望有機會有人搵我哋胡說八道會一齊做舞台劇。」胡杏兒即說：「好呀，最好係古代或者民初，因為啲衫靚，但未諗做乜故事。」姚子羚笑言若有「巴辣」角色最適合由豹嫂胡蓓蔚及黃智雯演繹，胡杏兒則笑謂想扮演少女，因現在已是兩子之母。
張寶兒撐男友
同場的張寶兒專程現身支持男友袁偉豪，問會否到後台服侍兼準備湯水？她說：「唔好咁講，支持箒，佢後台全部都係食物，好多朋友好有心。」看到袁偉豪和蝦頭親熱戲會否尷尬？她謂：「我只喺後台睇電視，再親密佢都做過。」原本出席名單還有楊明，但他女友莊思明日前因坐國泰機被空姐無視，一怒之下公開航班空中服務員名單公審，可能違反「刑事起底」條文，相信他怕被追問而甩底。
採訪：曹家誠
攝影：陳慧安