周永恒上月在尖沙嘴涉打架，被捕期間跪拜警察，及後他稱只是做瑜伽，他前晚到旺角busking，高峯期約有40多人圍觀，但只有5、6個人打賞，周永恒以結他盒裝錢，裏面多是10元和20元紙幣，演唱約一個鐘進賬不足500元。其間有位叫晴晴的女途人向他點唱，她表示：「一開始唔知佢係明星，只係覺得好聽，幾靚仔。」
現時武漢有不明肺炎，唱歌時冇戴口罩會否擔心？周永恒說：「其實我有帶，但戴住唱我會暈，一係唔好出嚟，出嚟就唔好驚。」是否想復出？他說：「我冇諗咁複雜，我本身有信仰，主要想喺條街敬拜，你知香港地𠵱家條街幾恐怖，好多邪靈，希望可以祝福吓人。」若再有警察截查，會否又做瑜伽緩和氣氛？他卻反口謂：「我嗰日都唔係做瑜伽，我嗰日驚，坐咗喺地下啫。」
採訪、攝影：徐錦池、黃曉程