皇家馬德里周三喺沙地阿拉伯舉行嘅西超盃四強對華倫西亞，由卻奧斯開角球直射入網打開紀錄，最終3:1淘汰華倫打入決賽。今場15分鐘皇馬有角球，卻奧斯快開皮球直彎入網，皇馬領先1:0。39分鐘，艾斯高用胸口控定再射入，皇馬半場領先2:0。換邊後皇馬繼續玩晒，莫迪歷65分鐘入多球，大勢已去嘅華倫最後有柏利祖入12碼破蛋都輸1:3出局。