在飛機補看《官謊真相》時美國傳媒鋪天蓋地評論美伊是否開戰。時光倒流，似曾相識，近處吹來號角聲。
腦海裏，出現美伊在2003年開火的鏡頭。香港在地球的這一邊，同一年，同一時間要對抗的，是史無前例的沙士滅港人道大災難。沙士開火，銳武裝甲車長驅直進，武漢那邊，繼續當香港人懵丙，說武漢這隻，不是沙士。不是吧，唔係沙士，即係升級再變種嗎？更加無藥可醫？人心惶亂，難怪已經有人說，王公志民其實收到風，堅決走佬，表面上被砌，實質是逃離病毒，金蟬脫殼，執番身彩，牌面計，明輸實贏。
時間巨輪，難道真係咁玩嘢？03一遇後，踏入2020，兩伊兵行險着，香港又試被中共輸出病體，病毒自由行，SAR政權與醫管局沒有盡責把關守好，再將香港淪為疫埠，花天文數字建成的西九高鐵和港珠澳大橋，成為輸送病毒的無掩雞籠幫兇。港澳失守，剩下台灣最後一道防線。官謊，與附屬的KOL，忽然高調散播醫療神怪論，講了柒次，連國師都有「芒果乾」，武漢沙士有幾毒，可想而知。