經歷七個月的抗暴之戰，本港市道急轉直下。有食肆狠批，地產商作為大業主，過去半年未有與商戶共渡時艱，直指新鴻基地產（016）及九倉置業（1997）最缺人情味，又指「今次嘅運動，你係睇到地產商係踩住小租戶屍體去生存。」
九倉讓步減租
連鎖食肆老闆陳小姐（化名），代表數個食肆品牌接受本報訪問時表示，旗下位於一線商場之分店生意大受打擊，較半年前的生意額大減五至八成，「正常嘅商舖係冇可能捱到三至六個月、咁貴嘅租金、人工，但冇人流，冇人幫襯。」
陳與其代表食肆，於過去數月不斷與新地及九倉就減租不停交涉，「佢嘅租務部都會叫我去寫信，但係通常得返嚟嘅回覆都係話冇，尤其是新鴻基，話一毫子都唔會減，而家直頭喺地球上消失咗。」至於九倉，上月有報道指有商戶經磋商多時，終獲減租約半年，減幅約15%至20%，「我就冇受惠嘅，但我知嘅係如果租約就完，呢幾個月減租就會易傾啲。」
新地就租金問題接受本報查詢時稱，一直與商戶保持緊密聯繫，主動提供協助，包括增聘不少人手加強保安、盡快修復被破壞的設施、協助商舖盡快恢復營業等；亦已寬減該些受影響商戶在暫停營業日子的租金及其他相關費用，期望能紓緩商戶經營壓力。九倉旗下時代廣場則表示，於續組和簽訂新租約時，商場一貫會根據市場狀況，與租㻇協商共議。
零售業不景之下，商場舖租賃市場亦遇冷鋒，有尖沙嘴之商場租戶，更疑似拉閘走佬。盛滙商舖基金創辦人李根興表示，過去不少一線商場，都有眾多品牌排隊等租，但過去半年的社會風波，「而家唔係講開新舖，係講使唔使執笠。」業內人士預期，料農曆年後旺區商舖租金恐再跌多三至四成。