陳健安(On仔)和梁釗峰昨日在將軍澳出席鼓勵長者戒煙活動,On仔表示勸長者戒煙不是容易的課題,煙齡越長越難戒,又指如果伴侶吸煙一定扣分,他說:「暫時未遇到一個好靚、連佢食煙我都唔介意嘅人。」
提到On仔將於下月底舉行個人演唱會,他表示已寫好每日時間表:「幾點起身、跑步、練歌、背歌詞、健身、冥想、拉筋,仲有畫樣,因為朋友叫我做族長,所以我會喺臉上畫一撇,其實係一個青春嘅象徵,同埋提住我要進入演唱會嘅狀態,希望喺呢個騷向大家分享吓青春,所以大家入嚟就可以抗衰老。」至於釗峰,就透露將於7月開演唱會。
採訪:黃曉妍
攝影:葉君海