2004年雅典奧運會，乒壇「孖寶」李靜、高禮澤奪得奧運男雙銀牌，事隔16年，當時是男隊教練的陳江華（圖）已升任總教練，難得遇上奧運首次加入混雙，他期望「黃杜配」這對土生土長的混雙，能為香港再爭乒乓球奧運獎牌，他說：「我相信佢哋有能力衝擊獎牌。」
華哥慧眼識英雄，01年開始執教香港男子隊，13年晉升為總教練，同年發掘黃鎮廷及杜凱琹合作混雙，他坦言當時已瞄準東京奧運，他說：「其實當時唔單係我一個認同，大家都認為佢兩個有好好嘅單打能力，加上去到20年剛好係佢兩個最成熟嘅時候。佢哋勝在反手唔錯，心態亦越見成熟。」
不知不覺黃杜二人已合作七年，華哥坦言不容易：「我相信04年李靜、高禮澤嘅銀牌，帶畀現役一班土生土長嘅乒乓球代表一份動力，好似阿廷同阿杜都係本土培養出嚟，好唔容易。我執教咁多年，都係希望睇到呢個突破（指土生土長乒球手奪奧運獎牌）。」同為海外兵團的阿靜及阿澤已成教練，前者任香港女隊教練，後者在自己的球會任教。
華哥坦言「黃杜配」的成績已超出自己想像，包括兩奪世錦賽銅牌以及17世巡賽總決賽金牌等，他笑說：「希望東京奧運再超出我想像啦！我相信佢哋有能力衝擊奧運獎牌。」
記者：徐嘉華