【本報訊】已光顧楊春雷超過30年的伍小姐，幾天前得悉他們即將結業，大感可惜，「雖然佢哋只係賣一味，但好有效，清熱毒靠晒佢，以前佢媽媽看檔時我已幫襯，好似飲咖啡咁，上晒癮㗎喇」。她一邊喝涼茶，一邊跟楊生聊天，談談往日的春園街。她本身住灣仔區，說會在結業前再來密一點，作最後衝刺，會天天來飲。
指小店富親切感
不在灣仔區居住和工作的徐先生，也會每周兩、三天專程過來飲涼茶，喜歡楊春雷價格合理，「都飲咗好多年，呢種舊式涼茶店已好少見，佢哋清熱功效比一般連鎖店好好多」。徐先生皮膚白滑，看來涼茶應記一功。他尤其喜歡店內的陳設格局，「𠵱家好多店都好商業化，呢度好有古裝劇嘅味道，令人好有親切感」。但他並不知道小店即將結業，「飲咗咁耐，會有啲唔捨得」。
■記者梁嘉麗