高廣垣（Ivan）早於1992年開始投入地產界，於北京起家，形容是「順風順水」，2002年與世銀、德銀合資惠澤中國控股，成為內地第一間按揭貸款服務公司。即使不少生意在內地，但Ivan形容這個SimCity計劃屬於「超巨型」項目，故其內地房地產生意或會受影響亦不擔心。
這個建城項目龐大，所需的自然不單是金融人才，各行各業的人才都可參與，「我哋希望在近郊買地，或者訂長期租約，由零開始建立一個城市，要修橋起路、設計社會系統，好多工作機會譬如餐飲、酒店都需要，唔會好單一，當然移民的審批權在愛爾蘭。」Ivan指這些SimCity會以香港為核心，民間會有很多往來，不擔心留港的香港人進一步被「溝淡」。
職業是其次，重要的是願意做開荒牛，「我諗要有拓荒精神，如果想要舒舒服服就唔好啦，發展好之後先參與，最初有風險、有難度，但在裏面，我諗可有不同崗位選擇。」
盼成華洋雜處城市
那是否要分黃藍呢？他指暫未落實篩選機制，「但我覺得唔同黃色經濟圈，成個城市冇得話只揀某類人。」除了政府顏色無篩選，膚色亦無篩選，「雖然主要係香港人，但其他國家嘅人都歡迎，希望成為一個華洋雜處的城市，保持與國際好多聯繫，可以繼續發揮香港軟實力。」