吳浩康（Deep）與師妹李靖筠昨日到九龍灣擔任ViuTV音樂節目嘉賓，兩人合唱了原本由Deep跟容祖兒合唱的《他都不愛我》，Deep說：「終於搵到人跟我唱，之前一直都冇機會唱。」講到會否想找個固定拍檔，Deep指工作上會變成有限制，而私生活上則隨緣。問到李靖筠會否覺得Deep花心？她衝口而出說：「黐線，我有乜資格批評佢私生活？佢有自由，尊重佢權利。」
Deep下月會派新歌外，又製作露營及山地單車片，講到之前找舊愛鍾舒漫拍露營片，今次會否邀請剛與他分手的崔碧珈出鏡？他說：「暫時未必會，今次唔會有嘉賓，若果將來有啱地方、啱時間，佢又願意都可能會。」
採訪：馬建華
攝影：葉君海