41歲的楊思琦2012年未婚誕下女兒楊卓穎（Krystal），翌年即復出搵奶粉錢，女兒現已7歲，去年思琦再驚爆懷上第二胎，原來她失驚無神與圈外男友在海外秘密結婚，但胎兒爸爸身份成謎。單親媽媽終於找到心靈伴侶，滿心期待腹中鼠BB出世，雖然她身懷六甲，但仍要出差韓國跳舞賺外快。
楊思琦從「屋邨港姐」開始就靠自己努力搵錢養家，這些年來也一直母兼父職，去年10月思琦突然宣佈懷孕，當時她正身在韓國為ViuTV拍攝旅遊節目《香港親善小姐》。日前她在尖沙嘴接受本報記者訪問，憶述當時拍攝之苦：「係特別辛苦，有一日要着住和服去宮殿，行好遠路，當時同事又唔知道（懷孕），我又要急急腳，好似鴨仔團跟住大隊，拍好多街景。」
最令思琦驚心動魄的還是要跟韓國男團及女團跳街舞，她說：「都有難度，要我跟住一齊跳，一嚟節奏好勁，劇組又唔知我大肚，我真係去咗跳hip hop好刺激，播出街大家睇到都會話我好曳。」
產後繼續工作
談到懷上第二胎，思琦依然避談孩子的性別：「對我嚟講男女冇所謂，最緊要健康。」對於懷孕仍要辛苦搵奶粉錢，思琦強調和老公經濟獨立，雙方有高度自主性，已經計劃好產後的工作。雖然組織了家庭，但思琦指婚後生活分別不大：「搵到心靈伴侶溝通，有乜嘢心事有個人可以分享嗰種開心。」思琦解釋老公身份高度保密原因：「其實冇乜嘢，做咗藝人咁多年，好多嘢都公開，家庭係屬於自己，想留啲空間唞氣喘息，我同正常人一樣，只係冇刻意去提。」思琦一直母女相依，女兒知道有新爸爸及即將當姊姊，非常開心，思琦說：「佢知道啦，開心到合唔埋個嘴。」
每段情當學習
尋尋覓覓終於找到歸宿，思琦當年主動斬斷和李泳豪九年情絲，後為跳水隊員吳帥誕下一女，之後再傳戀上富商，思琦認為每一段感情都有學習，不會回望過去，現時幸福快樂最重要。正如現時工作享有自由身：「𠵱家好過以前，可以做自己鍾意做嘅嘢。」
撰文：卓寶花
攝影：仇志德
化妝：Jessica Chan
髮型：Chris Cheng of il Colpo
場地提供：馬哥孛羅香港酒店