【本報訊】另一因泛民內訌而落入建制之手的選區是沙田帝怡，沙田區41個民選議席中，僅欠帝怡未能光復。外界批評民主派在該區協調失敗，沙田區政謝潔泳和民主黨劉青同時出選，終令民建聯的林港坤漁人得利。
選舉結束逾月，以1,666票落敗的謝潔泳仍在帝怡擺街站、派發月曆、處理居民求助。不知就裏，還以為她是候任區議員。謝潔泳表示，選舉過後收到許多支持者的訊息，深表難過及憤怒，他們認為謝仍年輕，若繼續服務社區，四年後或有機會「翻盤」。
「就算輸咗都好，無理由等個區真空四年，畀建制做嘢都應該要有另一邊陣營嘅人出嚟做住嘢先。」
「翻盤」與否言之尚早，謝潔泳更希望可以向選民負責：「就算輸咗都好，無理由等個區真空四年，畀建制繼續做嘢，都應該要有另一邊陣營嘅人出嚟，繼續做住嘢先，係咪四年後再選下一屆，我都未決定。我只係覺得，有個責任，居民聲音你都要聆聽到，而唔係選舉完之就從此消失咗，呢個係好不負責任。」
謝潔泳口中「不負責任」的人，沒有明言是指民主黨的劉青。選舉過後，830票落選的劉青絕迹帝怡，《蘋果》向劉青查詢，對方回應指民主黨仍未決定其未來路向，婉拒受訪。
縱然落敗，但謝潔泳認為輸得有價值，「至少畀人見到原來民主派之間協調存在問題，輸咗係好事，反映制度有缺陷」。曾支持劉青參選的民主黨新界東立法會議員林卓廷曾於facebook專頁上載影片致歉，承認責任。謝潔泳說，自己感受並非最重要，應由選民決定是否接受道歉：「唔係我接唔接受，呢區居民接唔接受先係重點。始終𠵱家咁輸，係輸咗個選區四年。講緊係政府繼續撥資源畀建制做佢嘅工作，意味四年後佢嘅工作會更紮實。」
尚餘一年才大學畢業，謝潔泳計劃完成學位同時，每星期抽三至四日時間擺街站，服務社區。但與正式區議員最大的分別是沒有受薪，謝說不介意，「服務唔係求實在回報，選舉呢一年，我都冇任何回報，但我自己好享受呢個過程，發現自己好真誠幫人，對方真係會感受到」。她又感激劉青的出現令她進步，盼候任區議員林港坤可貼地為居民提供服務。至於四年後會否再選，謝仍未有明確決定，但她盼用四年時間令自己更有經驗、熱誠，好好裝備自己。
《蘋果》曾兩度邀請以1,923票當選的林港坤訪問，他以公務繁忙為由推卻，終答應以WhatsApp回覆查詢，惟截稿前未有回覆。其facebook專頁最後一次更新為11月15日，有居民於選舉後向他投訴區內私人屋苑帝堡城違泊問題，但林一直潛水。居民終按捺不住斥責他：「林議員，本人留言三天，但仍不見你回覆。如不打算回覆查詢，請關掉facebook吧！」、「我曾於今早7點50分WhatsApp通知你此事，直至現在事隔六個鐘頭你都仲未回覆，請問你競選時的承諾是否只是口號？」、「另，既然WhatsApp搵唔到你，我哋仲有啲乜嘢途徑可以搵你？請明示。」