每年一度的「公益金港島、九龍區百萬行」昨早假香港大球場舉行，今年新城及ViuTV等傳媒機構未如過往派員參與，只得無綫派人撐場。無綫前日發出的通告，列出近80位藝員參與昨日的百萬行，當中包括早前舉家到警總撐警送暖的曹永廉及莊思明。連登仔就在網上出post呼籲網民「捧場」，甚至在公益金的fb專頁留言希望公益金放棄與無綫合作，留言：「聽講1月5日有TVB藝人出現，我哋真香港人都一定要出現啦」、「公益金既然講到自己係幫香港人，請應該與警暴割席！仲用撐警藝人曹永廉，代表公益金支持警暴，不了！」、「拿出良知！與TVB割席！」等。
起步後即走
不過昨早現身的無綫藝員只有徐榮、鄧佩儀、江嘉敏、傅嘉莉及張寶兒等約60人，相比以往有視帝、視后等一線藝人坐鎮，今年氣勢最弱。而身為焦點人物之一的曹永廉臨時甩底，似是想避開狙擊。公關所派發的新聞稿亦刪走曹永廉的名字，但未有解釋原因，只表示藝人數目有加有減十分正常。至於另一撐警藝員莊思明則如常出席，在場高層李寶安、杜之克及樂易玲等不接受訪問，甚至代表無綫的風褸，眾藝員也未有按傳統穿上，只有部份代表上台時短暫穿上風褸拍照。無綫高層及眾藝員於起步禮後，便從另一門口登上公司車離開，刻意避開接觸人群，也沒有如往年安排藝人與傳媒在活動後茶敍。
未有派風褸
有份出席的江嘉敏表示不知無綫今年沒有安排風褸給眾人，她說：「我都係第二年參加，唔係咁清楚，不過記得舊年係有嘅。」可會擔心個人安全？她笑說：「冇，因為我病咗幾日都未瞓醒，發咗燒幾日，不過已經退咗燒。」她更指公司事前未有作出特別「溫馨提示」。至於黎燕珊就表示：「唔擔心，應該唔會有混亂情況發生，無綫安排得好好呀，一切聽從公司安排，我都係為慈善出分力啫，唔使擔心太多。」
撰文：君喬