呢排班司局長個個星期寫網誌，各自用不同角度插反送中激進抗爭者，不過插還插，如果好似勞福局局長羅致光咁，唔覺意連中共都插埋，咁就真係攞嚟衰了！
說羅致光噚日寫網誌，係咁話燒匯豐嘅「史提芬」同「施迪」兩隻獅子令佢神傷，之後就講到成件事令佢聯想起五四運動時，示威學生「私了」章宗祥同火燒趙家樓事件，仲形容係「五四運動中的黑暗面」。
話私了章宗祥係黑暗面
不過好快有網民發現，羅致光咁講好政治不正確，因為私了章宗祥同火燒趙家樓事件喺中共嘅歷史入面絕對係愛國行為，仲有人引用內地文章，入面話「火燒趙家、痛打章宗祥的義舉，震動全國，『五四』愛國運動迅速蔓延中華大地」，即係內地認為呢兩件事係正面、係義舉，絕非羅致光口中嘅「黑暗面」。有網民講笑話，羅致光咁樣話中共認為係正義嘅行為，唔知算唔算抹黑愛國行為？又唔知嗰班愛國愛港人士，又會唔會去向羅致光抗義？