逆權運動抗爭逾半年，白色恐怖瀰漫娛樂圈，有藝人甘做愛國護旗手，有藝人無懼被封殺勇於發聲，其中「蒙面王」就贏到唔少掌聲，不過，Jessie收到風，有人爆蒙面王其實只係「面黃」而已，佢個心仲未夠黃。話說喺好耐、逆權運動仲未發生前，蒙面王就大鑼大鼓籌備一個表演項目，當時監製提議搵埋「沖沖子」參與，覺得對方有樣有身材有演技，點知蒙面王推三擋四，遲遲都冇聲氣搵沖沖子，監製不停追問，蒙面王先至爆響口，話幕後出錢嘅老細，唔鍾意用黃絲藝人，擔心會影響返內地演出。
呢單嘢之後傳通天，行內人都唱蒙面王錢字行先，為咗喺內地市場賺人仔，居然助紂為虐，幫內地封殺敢發聲嘅香港藝人；