麥浚龍（Juno 右）日前接受商台訪問，他創作的董折蒲銘心愛情故事歷盡愛恨交纏，但現實中他跟中英混血兒女友戴庚玲（Janine）相戀接近10年。Juno坦言不像董折蒲銘心般複雜：「創作故事我可以好複雜，但我冇經歷被人呃。我嘅愛情觀好簡單，喜歡一個人，一直就會繼續喜歡，我冇結婚計劃，唔太叻面對小朋友，感覺世界越嚟越複雜，冇需要將新生命帶嚟呢度。」
