半途出家的伍德偉（Andy），接手之初跟隨母親到西環批發市場，40多歲人被市場老叔父喚作「細佬」，「我去逐個打招呼，乜哥物哥，咁我咪係細佬囉」。由於市場內大部份水果不能試食，故只能靠眼光觀察，他笑言，入貨必須膽大心細，「今日90蚊，聽日可能100蚊，見個價差唔多就要掃晒幾十箱貨。」
新奇士橙編號與質素無關
最初對水果不理解，Andy每次入貨皆留部份作試食之用，日子有功，Andy對不同產地的水果已有一定了解，例如新奇士橙橙味濃，酸味重；澳洲橙較甜，但香味較淡；埃及橙則多渣，只宜榨汁。提子的話，以日本岡山晴王、長野的香印提子質素較佳，韓國出產則次之。對於坊間傳言，新奇士橙4012最高質，Andy澄清，編號只用於區分橙的大小，並非質素。他更即席教導揀橙訣竅，「拎上手重身，即係多汁；皮要薄，代表肉多。嗱，呢個厚皮就唔靚喇！」