【本報訊】反送中運動至今近七個月，警方濫捕成癮，逾6,000人被捕。大批市民上月趁聖誕節前夕，到荔枝角收押所外集會，數千人隔着鐵絲網，以《願榮光歸香港》的歌聲聲援還柙人士，也有不少市民寫聖誕卡。一名現於荔枝角還柙的前線抗爭者，親筆寫信予工黨立法會議員張超雄，感謝港人，「我係喺荔枝角還柙嘅一位前線抗爭者，其實都唔係第一次寫畀你哋，但其實要對你哋嘅感激，點都講唔完！」
向監房朋友解答抗爭問題
該名抗爭者在信中稱，「12月20號嘅晚上，由10點鐘開始聽到你哋嘅聲援」，「以前佢（羈押人士）會覺得好嘈、好煩，至少今次（20號）佢聽到『手足，我撐你』、『煲底見』、『釋放義士，還我公義』，從窗邊望出去可以見到一盞盞由手機燈形成嘅星海，你哋喺出面『和你寫』嘅聖誕卡，好多朋友見到都好驚訝……有朋友問我「榮光」點唱，但本人比較怕醜，冇去唱畀佢哋聽。」
他又表示「好多喺監房嘅朋友仔去問我，我哋爭取啲咩，而最多嘅問題係問有冇錢收……每一個早上我都會打開電視睇now新聞……睇鏗鏘集、頭條新聞，啲朋友一路睇，一路問煲底、Be Water、TG、連登、PePe嘅詞語代表嘅嘢，有人喺電視上睇到警方亂棍打市民，之後講咗句『乜警察可以咁打人嘅咩？』而我只答咗佢一句『𠵱度影到嘅只係你睇到嘅小部份，仲有好多好多你係睇唔到。』最後，他寄語港人團結，「我喺監獄都唔放棄，香港人，因為團結，我哋先有今日，所以革命未完，你哋點可以放棄呢？」
■記者譚靜雯