【本報訊】昨日的里人文化書倉，前來幫忙清倉的書迷一個接一個。Andrew是第二次到里人文化的開倉，2018年的一次也有來買書。他目標想買一些關於香港歷史的書，「過嚟睇吓有咩特價書，手上呢本《香港．人》係散文，揀佢係因為裏面有我認識嘅作家小思」。Andrew已半退休，帶了200元來買書，「揀咗書唔夠錢可以存住啲書，再上嚟畀錢都得，我上一次都係咁」，他喜歡的就是這種互相信任的關係。
題材敏感遭封殺
大埔區區議員劉勇威昨日從大埔到荃灣的開倉買書，「見到里人結業覺得好可惜，所以特登上嚟」，他從不去「三中商」買書，「書嘅種類越嚟越少，不知不覺間就失去咗好多選擇，所謂敏感題材嘅書又唔會有，到最後只睇到佢哋想你睇嘅書」。里人結業他感到很無力，「香港人就係咁，啲舖執先會珍惜」。同樣是大埔區區議員的陳蔚嘉慨嘆，出版發行業被聯合物流壟斷，變相就是遏制思想自由，「要閱讀唔同類型嘅書先可以刺激思考，有得揀，先訓練得出獨立思維」。
退休人士顧先生在開倉逗留了差不多半小時，一再拿起丘世文的《在香港長大》，翻了十多頁書，最終還是放下，他說家中已沒有位置放書，不能再買書卻來開倉，只為了能置身書海、聞書香，里人結業他沒有太大感受，「早幾年好多樓上書店結業，要傷心都已傷心過好多次」。
■記者梁嘉麗