今年41歲的Neway大少薛世恒（Daniel），最近參與ViuTV節目《一切從失婚開始》，首談離婚歲月。對於去年5月前妻陳法拉再婚嫁法籍男友，他坦言不會沒感覺，但卻釋懷及祝福︰「我已經唔使再擔心以前嘅人。」又首度開腔談及二人離婚︰「冇人想離婚！離婚唔係唔愛，係冇力去相處，太攰！」
撰文︰羅婉玲
攝影︰陳慧安
薛世恒早前在九龍灣接受《蘋果》獨家專訪，過往甚少談及前妻陳法拉的他，坦言只想說一次。問他為何接拍《一切從失婚開始》，他說︰「𠵱家係一個好時機，唔需要再去迴避、尷尬，寧願講一次，以後唔使再講。」薛世恒和陳法拉於2007年傳秘婚，當時二人一直避談，及後逐步浮面，曾一齊出席活動，可是2013年傳出離婚。失婚6年，Daniel首談感受︰「想正面面對，唔單止係感受，係一個經歷，其實都唔係咁恐怖啫！最辛苦係要長大，唔睇自己咁多，多啲睇人哋，其實就冇嘢，要學呢個功課唔容易。」
冇力再相處
今次Daniel隨製作團隊遠赴烏克蘭，笑指此行最大得着，是不斷談離婚的話題，反而令他感覺輕鬆，他說︰「咁多年很少出自我把口，尤其喺鏡頭前，𠵱家喺鏡頭前不斷講呢樣嘢，講到唔覺得有任何避忌。」他說離婚之苦，曾不斷向朋友傾訴，亦多謝他們耐心聆聽，但說當年要放下，也要用幾年時間接受︰「最難受係呢個係事實，冇人結婚會想離婚。」
Daniel指父母很恩愛，所以在他的世界中沒有離婚這回事，他苦笑說︰「冇人想離婚，唔係唔愛，係冇力再相處，太攰喇！」當日可有挽留？他說︰「絕對有，開頭覺得嗌交啫！咪𠱁番囉，但係𠱁吓𠱁吓，就變成等。」是否女方提出離婚？他說︰「唔好咁講，我覺得真係冇人想。」
消沉了幾年
離婚後Daniel坦言意志消沉了幾年︰「人係知道乜應該做，我夠知日日要早起，但有冇力呢？我諗去睇醫生，醫生會話我有抑鬱嘅程度，只係每日機械式咁做嘢。」他是基督徒，幸好信仰幫他走出陰霾。與陳法拉再見亦是朋友，去年對方再婚，他比任何人更早獲通知，談到前妻再婚，他有點尷尬︰「你話冇感覺就假，我當然戥佢開心，佢有個美滿嘅開始，我就少咗顧慮，點解話呢個係好時機？我已經唔使再擔心以前嘅人，係一種釋懷。」
場地提供︰LL Production House