昨日網上瘋傳一張報章截圖，內容指本港首富李嘉誠基金會喺今年新春向每位港人派五千元過肥年，而且採用高端AI技術，24小時內就可審批及發放云云。
其實此截圖源自本報昨日財經版的《2020十大驚奇》，原意是仿效黑石副主席韋恩（Byron Wien）每年公佈的「十大驚奇」，預測2020年有機會發生嘅政經大事。
雖然只係推測，但同時都真係反映咗香港在這段時間嘅陰霾下，衷心希望誠哥真係可以派錢沖喜。華華為此向李嘉誠基金會查詢，會否真係考慮派錢？不過基金會只係話已收到查詢，但截稿前未見回覆。無論如何，華華希望喺新一年，香港人可以輕鬆笑一下，亦希望大家可以願望成真！
李華華
mailto:[email protected]