香港學界辯論聯會被左報批鬥，辯論題目，其實都是參賽同學擬定，人同此心，關注這場全球矚目的抗爭運動，無可厚非。咁啦，對辯題動少少手腳，暫緩敏感字眼，二讀必過。
「林奠應辭去特首職務」，改為「林兆波應炒（或攬炒）佢老婆」，手足有得發揮，特首辦又唔會對號入座。全世界，唔係得你一個叫做林兆波，冇專利嘅。
「重組警隊對香港發展利大於弊」，自稱「正面看」的譚蛇，認為被呼為狗，代表忠心服從。講得通喎，重組狗隊，不存在挑釁，狗隊只需要狗餅唔需要加人工，所以辯題改為「凍結狗隊糧薪對香港旅遊教育金融發展利大於弊」，辯論的火花，比擦槍射膊頭更多。
「藍轉黃的商店應被納入為黃色經濟圈」，色盲如邱騰華對上述「便提」，哪壺不開提哪壺，提錯便壺事小，對住辯題射尿羞家！藍遇黃，只會變綠，撐過green object想搣甩警謊標籤混入黃圈，等同何滾妖幻想在漆黑的山墳路上，榮光射住他小便！藍色小便唔可能淡化做黃色。去睇醫生啦。辯題delete。