警方日前在元旦遊行後大濫捕，單根據警方自己的數字顯示，已有逾百無辜市民被捕後獲釋，實際濫捕人數隨時較官方承認數字多幾倍。不少政界中人均指，這和特首林鄭月娥日前到警總撐警（圖），「畀膽班差人亂嚟」。更有政界中人質疑，日前林鄭在警總撐警言論，令人覺得林鄭與警隊有互相包庇、甚至利益衝突之嫌，「作為特首佢根本唔應該講呢啲嘢」。
「監警會係咪邪惡一方」
他引述多間傳媒報道，林鄭到警總向在場警員說：「希望大家繼續支持我作為行政長官。」又曾稱「相信正義會站在我們一方」。該政界中人表示，若是警務處處長，這樣說當然沒有問題，但林鄭是特首，即將公佈的監警會報告是交給她，由她決定如何跟進，「妳林鄭已經講明正義站喺差人一方，即係監警會報告話差人有錯都唔會處理！到時監警會係咪邪惡一方？咁差人為止暴制亂、殺人放火特首都唔會追究！」
再者，成立獨立調查委員會查警暴權力在特首手上，即可懲處違規警察，只有林鄭啟動有關機制，「林鄭叫差人繼續支持佢做特首，咁係咪即係話，佢唔會成立獨立調查委員會查差人？」
他直言林鄭作為有權下令查警方的人，卻叫警察支持她，「難免令人覺得，只要差人撐佢，佢就唔成立獨立調查委員會，呢個係互相包庇？定係有政治利益衝突？」特首本應以香港整體利益為做事準則，「林鄭就以保差人利益為先，因為佢要武裝力量支持佢，咁同獨裁者有乜分別？」
季陶
周一、三、五刊出