【本報訊】女作家鄧小樺昨凌晨在旺角與友人倒數慶祝元旦後，途經登打士街時被警方發射催淚彈擊中左眼眼角，血流披面。她入院縫了三針，經驗傷後相信不影響視力，但左眼腫脹幾乎睜不開。她狠批警方亂射催淚彈，明顯對市民有報復心態，是草菅人命。
鄧小樺訴說受傷經過，她指當時與朋友倒數後準備去食消夜，行經旺角登打士街見到兩旁已起火，她與友人即時盡量在行人路上貼近舖頭的大閘而行。「突然間就射TG（催淚彈），有兩至三粒TG明顯向行人路方向射，有一粒迎面中咗我。我反應唔夠，因為拖住朋友行，唔可以伸手擋開佢（TG）。」她清楚記得當時催淚彈「斜角飛過嚟，嗰幾粒催淚彈係向人群發射，（警察）喺行人路上開槍！行人路其實唔係好多人，冇黑衣人聚集，附近都係街坊，大家諗住走。」
「拿走幾多條命才肯收手？」
她形容當時自己頭稍稍一偏，左眼側顴骨中彈，登時血流披面並感到劇痛，「眼鏡都唔見咗」，但自己只能夠盡量鎮定，「我唔知流幾多血，啲小朋友就嚇到喊晒，我話唔好驚，唔使驚我。」在場義務急救員立刻替她治理，其後她獲送院治理，縫了三針卻不用留醫，初步檢驗傷勢不影響視力，稍後仍要詳細驗眼作實。她苦訴：「作為2020年開始，呢個都幾特別。」
記者問她擔心會有疤痕和毀容嗎？她苦笑一聲「吖！最好就唔好毀容啦，自己公眾活動比較多，工作上會有影響，但可能咁樣令香港警察俾好多人見到佢哋做咗啲乜嘢！」她認為政府所謂的復和，在開槍的警察眼中，卻對市民有報復心態，會認為「留喺街上嘅人都係抵死！」事件中她想起爆眼少女、印尼女記者，反問林鄭政府「還要拿走多少隻眼、多少隻手多少隻腳多少條生命，要傷害香港人到甚麼程度，你們才肯收手呢？」
■記者詹家志