【本報訊】灣仔杜老誌道一間中國人壽的店舖在昨日遊行期間被打爆玻璃,店面至少兩幅玻璃被破壞,地上滿佈碎片。有現場目擊者質疑有喬裝警員破壞店面,他向本報表示,有兩名蒙面男子打爛玻璃,「示威者就問佢哋係咪便裝警察呀,見到佢哋個樣都幾驚恐,然後就有人嘗試去捉佢哋,咁佢哋就逃走」。
警發稿稱遭抹黑
兩名蒙面男子其後跑向駱克道方向,當時有十多名防暴警員在現場駐守,兩人向防暴警大叫「自己人」後,「嗰班警察就企晒喺度,完全冇任何執法」,蒙面人之後繼續向駱克道方向逃走,在場人士指摘警方選擇性執法。
該名目擊者質疑蒙面人是喬裝警員,「雖然我冇證據話佢(破壞者)係警察,但佢嘅行為已經表露咗佢哋唔係示威者嚟……最大嘅證據就係佢嗌咗一句自己人,咁呢班警察聽到之後,完全冇任何反應,就咁企喺度」。
「城市廣播」亦報道相若消息,指昨日下午近4時在軒尼詩道附近,有一男一女試圖破壞店舖時,即被其他示威者問「你哋係咪手足?」他們未有回應,而且面有難色,兩人及後再被追問「你哋係咪黑警?」隨即向駐守的防暴警察方向逃走。
警方昨日傍晚透過政府新聞處發稿,指有網上媒體及民間組織報道引述造謠者的說法,誣衊破壞行為是警察所為,警方強烈譴責有人製造假消息,意圖抹黑警隊,警方對此深表遺憾。警方表示,警員沒有作出違法行為,必定會嚴正跟進案件,以及將暴徒繩之於法,案件已交由灣仔警區刑事調查隊跟進調查。
自發生反送中運動以來,警方被多次揭發派出喬裝警員執法,公眾質疑喬裝警有份參與煽動示威者作出暴力行為,甚至帶頭破壞。警務處處長鄧炳強早前回應表示,派出喬裝警員是警方採取情報主導的行動,但指喬裝警不會挑起事端,以及進行違法行為。
■記者李詠希、曾偉龍