25歲馮盈盈昨早宣佈與拍拖四年的十優醫生男友鍾文浩（Martin）分手，令人大感驚訝，事關她為有多點時間陪男友，6月時不惜付首期及供樓與男友「同居試婚」，更不介意物業沒加自己名字，想不到因同居發覺大家相見好同住難，感覺最舒服還是做回朋友，下午馮盈盈出席新劇活動，談到這四年情時淚灑當場。
馮盈盈2016年當選港姐冠軍，已公告有醫生男友鍾文浩，二人一直愛得甜蜜，外界都以為她將做醫生夫人，怎料昨日她忽然宣佈結束四年情。Martin早前掟過千萬在沙田置業，馮盈盈瞞着父母將入行後賺來的辛苦錢畀首期，即使物業只是男友名下，她都在所不計，並於今年6月搬入愛巢，未想到半年後二人分手。昨日馮盈盈先在社交網說出分手一事：「在往後日子，即使我倆再不是情侶，我們仍然會支持對方，也互相祝福各自的將來。」下午現身新劇活動時即成焦點，哭談情變。
雙雙搬離愛巢
馮盈盈被問到分手一事，即忍不住落淚，她指這是二人在這個月經深思熟慮下決定分手，當中並不涉及第三者，她坦言同居後出現不少問題，大家相見好同住難，她說：「分開有好多因素，比較複雜，住埋一齊後，有好多轉變要去適應，過程中發現原來最舒服係做返朋友，加上事業發展中，好多機會要把握。」有指馮盈盈和男友分手，是因為她早前和張頴康在《解決師》的激情吻戲，馮盈盈指圈外人對接吻場面比較難接受，不過這並非分手原因。再問分手是否感到很失望，馮盈盈喊着說：「我諗冇……又冇話失望嘅，sorry……咁我又覺得冇話係失望。」她稱二人仍是朋友關係，大家都搬離愛巢，已有公平方案處理層樓，講完她再度哽咽。
張頴康談吻戲
昨日張頴康一同出席活動，他被問到是否因吻戲令馮盈盈分手，他說：「如果真係因為呢件事，我好想佢男友知道，其實盈盈同我都好唔想拍呢場戲，一開始嘅時候，佢已經不停講可唔可以唔拍、借位避開，但我同佢講大家都係演員，做咗佢啦。其實盈盈想快啲完，等大家嘅伴侶唔會唔開心。」
馮盈盈入行時被封「粗口港姐」，語出驚人有別於一般優雅港姐，深受年輕人歡迎，受無綫重用安排她到《學是學非》及《後生仔傾吓偈》當主持，同時加入劇組，拍《果欄中的江湖大嫂》演小狼女獲飛躍進步女藝員獎。馮盈盈入行後與Martin不時晒恩愛，在節目中更公開叫男友的暱稱「寶寶」，為令男友安心，她答應過不會儲存男藝人電話，也會帶男友去認識圈中人，而Martin要求她不能拍接吻戲，因他認為口唇有特別的神經線刺激情感區。
撰文：翁可人