【本報訊】商經局局長邱騰華昨接受無綫節目《講清講楚》訪問時，再次攻擊民間提出的黃色經濟圈概念，他指香港信奉自由經濟，社會不會接受店舖以政治理念劃分。有學者指，黃色經濟圈已維持數個月，中央或政府官員頻頻批評只會有反效果。
邱騰華指，黃色經濟圈對本港經濟影響未必大，但香港屬自由經濟，社會不會接受店舖以政治理念劃分，認為難以維持，又質疑相關劃分方式是否能令社會復和，「國際之間有啲保護主義，因為一啲非貿易原因去加諸其他人身上，一啲壁壘嘅時候，我哋都反對，咁我點可能唔去指出（問題）？」他認為以不同「顏色」劃分商店，會令人質疑香港如何維持國際金融開放地位。
經濟學者：批評只會有反效果
香港亞太研究所經濟研究中心成員、美國克林信大學經濟系副教授徐家健指，黃色經濟圈已維持數個月，官員批評只會有反效果，「唔通立法禁啲人去邊間食？相信一部份係佢哋見到有效果要打壓，一部份係要跟返大陸嘅『主旋律』去批評」。
他又指以國家保護主義、貿易壁壘類比黃色經濟圈是比喻不倫，亦難理解與影響香港國際金融城市地位有何關係，「人哋講緊國家加關稅、進出口限額層面嘅嘢，我逢星期一『Green Monday』係唔會影響到」。他又批評中共慣以經濟手段杯葛異見，「自己做開但人哋做就唔得」。
就邱質疑黃色經濟圈難維持，黃店手搖飲品店「和你drink」老闆Joker（化名）直指，無人能預料將來的結果，但認為近數月香港人經歷很多，「未試過都唔知會成功嘅例子，所以我哋更加應該咩都試下，話唔定會成功呢」。
■記者王春怡、凌懿君