林雪前日專程到旺角幫襯明天結業的中國冰室，在杜琪峯電影《PTU》中，任達華、林雪、黃卓玲及邵美琪因為一支失槍，機緣巧合齊集在中國冰室消夜，當年劇組在冰室內拍攝了整個月，林雪對這間茶餐廳具有情意結，前日走上樓上長枱座位時，有街坊笑道：「肥沙，你搵番支槍未？」林雪笑說：「未呀，仲搵緊。」
林雪點了沙嗲牛麵，其間除了自拍還和食客影合照，他坦言：「好多《PTU》回憶返晒嚟，阿杜好鍾意呢啲有香港特色嘅地方，我都有幾部戲喺度拍，呢度嘅牆磚、枱枱凳凳𠵱家都搵唔到喇！」茶餐廳光榮結業，林雪感慨：「其實呢間茶餐廳先係明星，因為香港好多電影嘅畫面都有佢。」
撰文：葉晴