LocoBike是唯一剩下正常營運的共享單車，負責人程俊豪（Ken）亦曾到訪馬鞍山的單車扣押場，隔住鐵絲網見到屬於自己公司的數十架藍車變成廢鐵，大感心痛，「我哋每一代嘅單車都有啲唔同，呢批係新款，而且全部落地兩星期左右。其實政府派人貼紙、夾車都係成本，只要打俾我哋講聲，一個電話或一個Email，我哋就會即刻派人移走，雙方都簡化流程，反而被貼上貼紙後，啲用家唔敢用，架車第二日就被夾走」。
單車每被充公一架就要蝕一架，即使明知共享單車擁有人，都沒有贖回機制搶救單車，Ken感到無奈，他指，公司擁有約五千架單車，開業至今兩年多，合計約有一千架車被政府夾走充公，涉及成本過百萬元，「我哋最新呢代係900蚊架，初時啲車係鋁合金，1300蚊一架，加埋近一百萬，都幾傷」。而且被運至扣留處的單車早已五勞七傷，被夾到彎曲變形，「贖得返都要大執」，何況現時要競投單車一買過百部，當中夾雜其他車種，Ken沒心力處理非LocoBike的單車。
Ken解釋，共享單車攻港初時，大批單車阻路，政府尚可指無法處理大量違泊問題，無法避免充公，但現時已剩下LocoBike正常營運，加上公司數據庫已完善，能透過系統迅速派巡邏人員處理阻街問題，「我哋巡邏隊有30人，聽落唔係好多，但其實每個區都有違泊pattern，一區兩個人已巡得晒」。為了避免單車被充公，LocoBike設立獎勵機制，若用戶泊在指定單車泊位，就能獲得10元玩樂優惠卷回贈，手機應用程式亦會提示泊車黑點，提示人別泊在某些屋苑範圍。他又指現時有500位熱心用戶幫忙當「哨兵」，巡區監察違泊、壞車或單車被「私有化」問題。
解鎖任踩 中大一戰「救命」
力爭保住每一架單車，除了成本考慮，還因為近來懷疑遭受藍絲惡意破壞。上月12日，「中大保衞戰」當日，警方發射過千催淚彈狂攻中大，當日下午6時有學生借用朋友的LocoBike賬戶，成功利用共享單車離開中大，但不懂鎖車，致電LocoBike查詢該如何付款。Ken說起心情仍激動，說中大與自己位於科學園的辦公室僅距離八百米，當日憂心忡忡，收到這通電話後，同事間馬上達到共識，決定把整個沙田區的單車解鎖讓人安全回家，並在網上公佈消息，後來連大埔區的單車也開放給人任踩，為逃生者及希望前往聲援的人士拋出一條救命索。
事隔個多月，Ken憶述中大一役時仍禁不住眼泛淚光，直言沒想過做共享單車可以幫到香港人，「我哋係初創，無大公司咁大包袱，可以好快做呢個決定，我覺得除咗我哋，都唔會有其他共享單車可以做到」。當日他與同事四出把單車解鎖，得到不少網民盛讚、道謝，甚至向他們說「呢世只踩你哋」，但Ken謙虛反指「佢哋（用戶）幫我，多過我哋幫佢」。原來中大事件後，用戶量由7萬急升至14萬人，但惡意破擊也隨之而來，「我哋有500架車被人惡意破壞同私有化，好多車被人鎖咗，而有七成嘅鎖都係同一個款式，可以推想係同一班人做，另外仲有拆轆掟去路中心、𠝹爛seat位、剪斷break線、拆頭尾燈，總之就係令人用唔到。佢哋如果唔幫我哋，我哋cover唔到損失，如果嗰幾日搵唔返啲車，就會被當作廢物夾走」。
一成單車遭破壞，損失可不小，而破壞至今未停止，Ken說，事前從沒想過會出現此情況，但並不後悔，更慶幸有一班支持自己的用戶，主動幫忙巡邏報告破壞情況，相信能捱得過去，他指2018年時公司已收支平衡，前景仍樂觀，而且重新令人認識共享單車是好事，扭轉過往一直被指阻街的印象，對香港有正面影響，做真正屬於「香港人的單車」。