【本報訊】「100萬、200萬你置之不理，你對市民嘅訴求視若無睹，但你唔係公務員、人民公僕咩？唔係應該為香港人服務㗎咩？一個領袖唔係應該喺面對反對聲音嘅時候細心聆聽、好好反省、檢討自己，然後作出改變㗎咩？噢！唔係，我哋都忘記咗，因為你唔係由人民選出嘅，所以唔使向香港人交代同埋負責，由一開始已經唔係我哋嘅領袖喇，係咪呀？」
聖馬可中學反修例罷課關注組製作了一條《願榮光歸香港》無伴奏合唱版短片，穿起校服的成員清唱《榮光》後，由一女子獨白，不點名質問特首林鄭月娥為何拂逆民意。獨白又狠批警方濫暴，「唔通你哋都忘記咗自己嘅身份、收入，係來自於我哋畀嘅差餉？唔通你哋都忘記咗自己都係香港嘅一分子？」
短片暗斥林鄭無視民意
片段中幾名學生除下口罩，勇敢以真面目高唱「要光復這香港」，有網民擔心他們的安全，但有人支持：「有一下，我真係極度擔心佢哋除罩拍片，將會面對嘅黑暗後果……但我突然提醒自己，呢個自己審查就係極權製造白色恐怖嘅目的，佢就係想我哋感受身處環形監獄嘅可怕。而呢班學生拍呢條片嘅苦心，其實正正就係要提醒我哋，我哋唔應該怕，我哋唔能夠怕，我哋唔會怕，我哋唔怕。多謝你哋，多謝每一個勇敢唔放棄嘅香港人。」