魏秋樺、林雅詩、陳惠敏及樓南光等昨日在紅磡出席紅酒活動。林雅詩聲表示聖誕節到內地登台，不過最近有壓價情況：「都打八折㗎！工作又少咗，以前點會得一兩場登台。」她大呻生意難做，平日會到時裝店做生招牌：「自己做埋兼職sales，不過我唔希望裁員，想大家共度時艱，冇士氣仲大影響。」
魏秋樺談到林文龍加入亞視擔任副總裁，認為對亞視會有作為：「佢係資歷好深嘅藝人，會更加了解入面嘅運作，假如佢邀請我拍劇，角色又啱嘅話，我會考慮。」對於藝人轉型做電視台高層，魏秋樺認為是好事：「因為好了解，唔同坐喺寫字樓入面，唔知道出面乜嘢情況，會貼地好多。」
採訪、攝影：盧妹