【踢走鄭泳舜】
【本報訊】上屆僅差一席便由民主派控制的深水埗區議會今屆成功光復，其中公民黨新星劉家衡，戰勝盤踞深水埗「南昌北」三屆、去年透過補選晉身立會的民建聯鄭泳舜。劉家衡競選時，其女友兼YouTuber「搣時潘」為他助選，劉一當選便遭遇藍絲抹黑，堂堂男子漢竟被指是「援交女」，他說：「咁反而代表你做啱咗，佢覺得我哋有威脅先會抹黑」。
記者：梁穎妍
任職補習教師的劉家衡在反修例運動爆發後，因反對建制派自動當選萌生參戰念頭，剛修畢法律碩士課程的他透過同班同學、公民黨東區區議員鄭達鴻協助找白區，開始地區工作，更加入公民黨。他接受《蘋果》訪問時指早對勝選心中有數，「本身諗住唔畀佢哋（輕易）贏，冇諗住真係會贏到，但去到一半我覺得一定會贏，林鄭每做一次決定都係違反民意，錯嘅決定，我就知道一定會贏。」他憶述投票日在區內狙擊鄭泳舜，街坊自動波加入，狙擊團越來越多人，深深體會民心所向。
辦公聽會提高透明度
自信十足的他甫當選就被抹黑，身為男性的他被指是「AV天使」、上載艷照吸引男性，更得了「援交女劉家衡」之稱，劉笑說：「『援交女劉家衡』𠵱家代表咗藍就係腦殘咁嘅意思。」抹黑事件源於其女朋友選舉期間為他助選時戴上有他姓名的「風紀帶」，故被搞錯身份，女友的個人賬戶照片也被轉載，但他認為事件對他們零傷害。
他批評港府一味親共，沒有德政，實也令中共無所適從，「你會見好多內地文宣或者共產黨爪牙不斷抹黑我哋，代表我哋對佢嚟講係一個威脅，佢處於咁驚恐狀態，又點能夠做到正確決定？佢每次做嘅嘢都錯。」他深信市民一旦覺醒，不會對港共政權有希望，更對未來有更多人支持民主派抱有信心：「絕對唔需要悲觀，只會愈嚟愈多人企我哋﹙民主派﹚呢邊。」
劉希望上任後提高議會透明度，「可能做公聽會、圓桌會議，希望街坊可以一齊討論」，其次希望改變增選委員性質，「增選委員有佢哋存在價值，不過會唔會將呢班增選委員，變成叫比較專業人士提出意見，或者會唔會拎返佢哋個投票權呢？始終佢哋冇民意支持」。
有意繼續進修取得律師執業資格的他，也希望以其法律知識，協助區內法團重組，解決舊區與鼠患、垃圾堆積問題，並着力少數族裔與社區融合。