【本報訊】曾在2010年向時任政務司長唐英年高舉「我要有權選特首」標語的良心教師吳美蘭在台上發言，憶述反送中運動開始後，因為多次失眠、發噩夢而要求醫，醫生請她別再看電視、直播，現在只能看定格相片和文字描述，「我想同大家齊上齊落，健康好緊要，我要同佢哋鬥長命」。
參加者高叫「加油」
吳老師指，近來政府着力打壓曾參與反送中抗爭的老師，明白「𠵱家老師企出嚟講嘢唔易」。她提及文革期間，無數知識分子受打壓及恐怖對待，今日香港同樣有老師、專業人士及傳媒受打壓。但她慶幸自己由六四至今依然毋忘初心，重申「無論你畀幾多錢我，我都唔會收聲」，又以「被自殺」的六四民運鬥士李旺陽為例，他被囚禁多年，放監後接受訪問曾說道：「我就是砍頭，我也不回頭！」
她感謝同工默默關心年輕人，憶述自己聖誕期間出去「行街」時不禁哽咽，「我呢個年紀冇乜人行到咁前，我好孤單，每次嘅場合我都係自己去，我嘅朋友、同學都係中年人，我唔好意思叫佢哋去，可能佢哋好多顧慮，亦好多現職老師未必能面對到多方面打壓。但自己崗位做到幾多就照做，所以我每次都孤身上路，無論係深水埗、旺角、銅鑼灣、尖沙嘴」。台下參加者高聲叫「加油」，為她打氣。
身為教師，她需向下一代身教，不能做出違法行為，只能用專長的聲音，在集會高聲叫口號，最後寄語學生要好好用功，以知識改變未來，為香港打一場勝仗。
■記者陳詠恩_theme_hksfo