新城電台昨日在黃埔舉行「新城勁爆頒獎禮2019」，今年共頒發54個獎項（詳見附表），不過因應連月來的社會狀況，新城早前已在不同活動公佈部份得獎名單及向歌手頒發獎項，昨日再頒發餘下24個獎項，出席歌手包括周柏豪、陳柏宇、許廷鏗、鄧小巧、洪卓立、衛蘭、林欣彤、鄭融和陳健安（On仔）等，而張敬軒雖沒有出席，但仍得3個獎成眾歌手之冠。
鄭融聲畫不同步
大會昨日安排頒獎過程在直播室進行，現場只有得獎歌手及DJ，不少網民在新城直播專頁批評畫面質素欠佳，聲畫多次不同步，如鄭融唱歌時一度「窒窒吓」，其後畫面又突然暫停數秒。網民更指過程似直播專訪多過似頒獎禮，頒獎禮氣氛全無，又有網民留言「光復香港 時代革命」及「願榮光歸香港」等口號。
許廷鏗獲頒「勁爆男歌手」及憑《我們與愛的距離》獲「勁爆歌曲」，在演唱時自high派心，最後更走到DJ甫寧和向美玲旁強迫他們揮手。許廷鏗受訪時說︰「感覺幾特別，似新聞報道員咁，又似講波。」可會期待電台繼續以該形式頒獎？許廷鏗說︰「我份人比較懷舊，鍾意實體頒獎禮，對我嚟講係重要。」吳浩康獲「勁爆我撐歌手」等獎項，問會否覺沒有氣氛？吳浩康表示現場沒有觀眾及fans當然跟以往有分別，但他認為「有總好過冇」。談到跟崔碧珈分手，女方指他「講大話」，吳浩康表示：「你哋問番佢，我肯定冇嘢欺騙佢，不過我唔建議公開講兩人之間嘅嘢，分手係可惜，我依然祝福佢，當佢係朋友。」
衛蘭望有頒獎禮
周柏豪因聲沙感冒而沒有唱歌，他表示幸好不會傳染，故無需跟囡囡隔離。談到「閉門」頒獎禮，周柏豪表示：「唔同年代有唔同做法，唔一定唔好，科技進步又可以試吓新方法去做，幾突破可以諗吓繼續。」衛蘭則說：「氣氛係唔同，都幾得意，有機會唱歌已經係開心。」她坦言期望明年可重現實體頒獎禮。
採訪：王連連
攝影：仇志德