【守護家園】
【本報訊】「媽咪好快會返嚟。」遠嫁千里的阿C放不下家鄉的自由夢，早前別過兩子，返港探親，並投身抗暴之戰，結果理大圍城一役，因殿後讓別人離開，自己被捕。面臨暴動罪的她，最擔心不能看着孩子長大，保釋後致電外籍丈夫報平安，對方卻威脅離婚，「佢話你咁愛香港，不如你留返喺度啦」。一場運動，除了撕裂兩代，還拆散夫妻，但阿C並不後悔，更怒斥已移民卻批評運動的港人只顧自己利益。
記者：伍雅謙
兄弟爬山，沒有誰的包袱比較輕，就學的衝衝子、7.1闖進立會的爸爸、還有早已移居自由國度的阿C，最初在他鄉參與聲援香港的遊行，最終還是抵不過重洋凝望、滿眼焦灼，踏上了回家之路。
催淚彈頭上擦過
她很快便親睹警暴橫行，水炮車藍色水隨街亂噴，「唔覺得香港係一個安全嘅地方」，市民參與合法遊行後乘搭巴士離開，防暴警會衝上巴士搜查，「香港就係無論你喺咩位置，遊行完都會擔心之後會唔會被捕」。深切感受港人恐懼，阿C有感自己長居外地，顧慮較少，挺身幫忙某次遊行，「唔想香港嘅人咁驚，又唔係做緊犯法嘢」。
在那個硝煙瀰漫的星期天中午，她走進理大，有年輕人求她留下，「唔好走呀，真係開槍點算呀？」阿C原本計劃晚上離開，但指當時身處的位置打不通電話，亦無法連接網絡，渾然不知警方曾呼籲市民離開校園。當手機終可與外界連繫時，理大經已被警方重重包圍，首批跟隨警方指示往Y座離開的市民，包括醫護人員及記者，均被警方拘捕。
阿C憶述，當時心情既擔心又迷茫，對政府及警方公然說謊亦非常失望。晚上外圍抗爭者營救失敗，警方宣告所有從理大出來的人，都會以涉嫌暴動罪被捕，她深恐被捕後無法再見遠在外地的子女，「嗰刻我好絕望，一定俾人拉」。
圍城某日清晨，又傳出警員攻入校園，阿C向附近年輕人道歉，「對唔住，我唔可以跟住你哋啦，我有兩個小朋友，我好驚見佢哋唔到」，隨即與多人一同奔跑，並讓其他人先爬過障礙，殿後的她結果被捕，警方以暴動罪拘捕。
從警署保釋出來，阿C第一時間致電身在海外的丈夫報平安，外籍丈夫對香港情況不了解，以為阿C抗爭重於家庭，拒絕離開理大才被捕，「佢話你咁愛香港，不如你留返喺度啦」，聲言要考慮離婚。
「我經歷完生死，需要嘅係支持同體諒，唔係責怪，我真係冇做錯嘢。」被困理大期間，催淚彈曾在她頭上擦過，差一點便射中頭；保釋後，她多次痛哭，婚姻亮起紅燈，又陷入續保、踢保或棄保的人生交叉點，最擔心是被起訴後無法照顧子女，情緒臨近崩潰。
自問清白拒棄保
她長居外地，有人建議她棄保，「我冇做過，做咩要棄保」。她說要堂堂正正陪伴小朋友成長，故選擇踢保，而非棄保潛逃，「如果香港仲有法律可言，我絕對有信心，我可以返去見到我啲小朋友」。臨上機返港踢保，她對年幼子女說：「媽咪好快會返嚟。」
阿C說，從未後悔走入理大，「呢個係我哋嘅權利」，直斥移居了民主國家的港人，批評抗爭者，非常自私，「乜你冇屋企人喺香港㗎咩？你唔會諗你屋企人嘅下一代㗎咩？做人唔好淨係諗自己嘅利益」。報道刊出的時候，阿C已成功踢保，平安離港與兩子團聚。
