【本報訊】「我係一個前警員，喺警察部做咗六年。辭職最主要原因係7.21，我後悔冇早啲走。」
反送中由炎夏走到冬至足足半年，仍未有緩和迹象。警察濫暴濫捕的烙印難以磨滅 ，由亂棍打人、催淚彈放題，到後來開真槍發射實彈。《蘋果》訪問了一名當差六年的警員，因7.21元朗白衣人暴動事件感到心灰意冷決定辭職，他批評警隊高層包庇失控的下屬，令前線警員更合理化對示威者的暴行，就連開實彈槍也沒有後果，部份警員甚至期待開槍這個人生難逢的機會。究竟警隊如何能重獲市民的信心？他說：「五大訴求，缺一不可。」
記者：楊思雅
阿輝（化名）離開校園便投考警隊， 「純粹想搵工，所以做住先」，一做便六年。他自稱是一名「黃絲」，但沒有主動公開政治立場，否則或會如「除毒瘤」般遭同袍排擠和杯葛。直至7.21元朗白衣人事件這個轉捩點，赤裸裸的無警時分使他恥與警隊為伍，無法昧着良心同流合污。
有啲係阿叔、阿嬸着住拖鞋短褲睇戲（警察）都照拉……等拘捕數字多啲，令到和理非少啲出嚟，想做阻嚇作用。
放棄人工高、福利好的優差，阿輝沒有一絲留戀，「唔想同呢個部門再有任何關係」。他坦言，在警隊渾渾噩噩生存了六年，若非反送中一役，或許就一直終老，7.21事件是促使他離職的主因，「雖然我唔係話好有抱負去做一個警察，但係作為一個警察，係應該對付黑社會」，豈料警隊行為卻與他想像的南轅北轍。
半年以來，被捕人數超過6,000人，檢控卻不足兩成。阿輝指不少被捕者只是在現場「食花生、睇戲」，很多只是街坊，「有啲係阿叔、阿嬸着住拖鞋短褲睇戲（警察）都照拉」，他說濫捕是為了「等拘捕數字多啲，令到和理非少啲出嚟，想做阻嚇作用」。
（警察）覺得自己唔可以出手打示威者，有黑社會或者圍村人士幫手教訓示威者，佢哋係覺得開心。
7.21當天阿輝在港島區當值。當日的衝突主要集中在西環，另有不少機動部隊同袍在政府總部、警察總部和禮賓府當值，最令他失望的是，「高層都決定唔調派啲咁空閒嘅梯隊過去元朗，係講唔過去！」他透露，部份同事在電視直播中看到白衣人無差別地在西鐵站打人，「佢哋係拍手歡呼，覺得自己唔可以出手打示威者，有黑社會或者圍村人士去幫手教訓示威者，佢哋係覺得開心」。
面對警黑勾結等疑雲，他說高層只以「人手調配有問題」作解釋，「話『所有兵力全部擺晒喺港島區』，就係咁樣，你信就信，唔信就算」。他認為，真正的原因就如報道所指，「（高層）好明顯真係放縱，有心畀班黑社會或者班白衣人去襲擊示威者」，藉此凸顯警隊的重要性；縱使要犧牲無辜市民的安危亦在所不惜。
阿輝更說，警隊內部稱機動部隊為「TIER 1（第一梯隊）」、曾任機動部隊的為「TIER 2」、年資較深或初入職的警員則被歸類為「TIER 3」，「佢哋（部份警員）直頭叫班黑社會做「TIER 14」，因為佢哋（黑社會）某程度係14K，內部有個戲稱叫TIER 14」。他直言荒謬至極，記起警隊在6月之前的幾個月聲言要反黑，「喺尖沙嘴大肆打擊黑社會，反黑反咗幾個月，反到搭晒膊頭，有傾有講，係唔合理！」
他坦言，警隊內老一輩和年輕一輩最初分歧很大，「年紀大嗰一輩覺得直頭要開槍打死班示威者」，年輕一輩則只希望示威和平，「最好就無事無幹，唔使佢哋出去就最好喇」。但後來衝突越趨激烈，不論老中青均十分不妥示威者。
阿輝當然希望示威和平收場，一旦出現暴力，他認為警察執法是天經地義，「我覺得睇唔過眼嘅係，你（警察）係負責執法，唔係做裁判，判佢（示威者）有冇罪應該由法庭、法官去判，唔係你先入為主覺得佢一定係有罪，就濫用私刑咁打佢一身，用過份嘅武力，去做一啲唔應該做嘅嘢！」惟人微言輕，認同他的只是身邊的少數，這些少數亦相繼離開警隊。
以為7.21已經崩壞至極，但8.31太子站、10.1用實彈射示威者，以及後來包圍中大理大，濫權濫捕情況更嚴重。
阿輝以為7.21已經崩壞至極，但8.31太子站事件、10.1用實彈射向示威者，以及後來包圍中大和理大，他直言警員濫權濫捕情況更加嚴重。
阿輝指10.1「嗰一槍係完全冇必要，始終嗰一粒子彈打咗落去，無事無幹就還好，如果有事真係死咗，你良心過唔過意得去先？」該名中槍的年輕示威者最終沒事，他認為是不幸中之大幸。
他透露，警隊在開槍事件後訂立指引，警員一旦遭示威者圍攻而感到生命受威脅時便可開槍。「有人開第一槍，對佢哋嚟講係一個鼓勵」，阿輝不諱言，眼見開槍射實彈亦毫無後果，部份警員因此蠢蠢欲動，「因為始終成個警察生涯，未必會畀佢哋用嗰支槍真係實際上打落一個活生生嘅人身上」。
被問到是否仍然記得當日加入警隊時的誓詞，阿輝笑言：「我淨係記得不徇私、不對他人懷惡意，但其實𠵱家嘅同事全部都做唔到，口講一套。」他又指出，前線警員濫權濫捕的片段不會消失，對於市民所造成的傷害更加是無法磨滅，不會獲得市民原諒，「你當時當刻點樣對我哋，點解要原諒你？」他直言運動始終會有完結的一天，到時必定會有警員被制裁，「𠵱家警察做嘅嘢，比朱經緯更加過份」，若警員無法得到制裁，相信任何社會都不會接受這結局。