張王幼倫為香港新一代融入生活與藝術，她亦積極培育三名子女成為尖子，大仔張嘉慶劍橋畢業，做了幾年律師，近年轉行搞食肆，亦幫手打理家族生意。而張王幼倫一對孖女張詩賢與張詠賢亦是畢業於劍橋及倫敦大學，讀經濟的二女詩賢從事飲食業，而讀地理的細女就是一名小學教師。
作為母親是否可鬆一口氣？張王幼倫說：「唔可以話佢哋叻，我揸住兩點，第一係做任何事都要有熱誠，鍾意做一樣嘢，畀心機去做，好嘢自然會嚟；第二就係無論你幾有天份都好，做人一定要努力，因為實在好多人都有天份，但係決定你能唔能夠成功，就係嗰份堅持。所有做家長嘅，小朋友乜嘢階段都想知道佢做緊乜，同埋要保持住同佢哋溝通，大家冇嘢傾、冇嘢講係一個危機，我成日話畀佢哋聽我好似佢哋嘅好朋友，但實際上我係阿媽。」她又謂已隨時ready子女組織家庭，期望他們找到了解自己的伴侶，做個有用的人，貢獻社會。