嘉頓新抱、領賢慈善基金創辦人張王幼倫每年都會搞慈善晚宴，為本地有潛質的年輕人培育藝術養份，早前她接受《蘋果》專訪，身處近半年社會運動的氛圍下，張王幼倫寄語大家和平，並對未來充滿信心。生於斯、長於斯的她更表示視香港為家，事業與家庭也在這片土地，加上她有永不放棄的性格，會積極相信明天會更好的信念。
撰文：羅慧敏
攝影：沈健程
社會運動持續半年，上月理大被圍城時，牽引港人幾代甘苦故事的生命麵包更成為警察向留守的抗爭者挑釁話題，指麵包冰冷，而他們收工可以去深圳食海底撈。此話掀起極大迴響，有指警察貶低生命麵包的價值。《蘋果》早前專訪嘉頓新抱、珠寶設計師的張王幼倫，提到近月的香港局勢，張王幼倫不願公開評論，但她寄語大家和平，並對未來充滿信心。
相信明天會更好
張王幼倫今年舉辦的慈善晚宴，主題便是「Stars In Harmony」，與藝術家Nicolas合作，放置了60多隻和平鴿藝術品，以和平為主題，她說：「我覺得和平好重要！佢對於生活嘅大小事都畀大家正能量同動力，而一個和平嘅社會，大家接受良好嘅教育，團結一致，可以促進社會更快同埋更好嘅發展。和平鴿係世界和平嘅象徵，現場望落好似團結一致，向同一方向飛行，令每個人都被背後嘅意義所感染，感受到振奮同鼓舞，我希望個個都得到正能量。」
過去5個多月，香港經歷了一場前所未有的抗爭運動，在這個艱難時刻，會希望香港可以和平解決？張王幼倫說：「我諗唔只香港啦！近呢幾年睇新聞，世界各地都有好多社會動盪。」張太熱愛香港，與嘉頓家族第三代後人、外科醫生老公張力正及仔女都有着同樣的信念，未曾想過離開：「我喺香港土生土長，喺外國讀過幾年書，但係我覺得呢個係我個家，點樣都唔走，我嘅事業一路喺呢度，我一定會繼續發展落去，因為我相信明天會更好，我一定有呢個信念，因為我嘅性格係唔鍾意放棄。」
「大家做好本份」
張王幼倫續說：「我三個細路由10幾歲就開始出去讀寄宿學校，大學喺出面，個個都返番嚟香港做嘢，好似呢個家永遠都冇斷絕過，所以對香港嘅感情都經得起考驗，大家都冇人話要走，始終大家都喺度工作，亦希望事情會有好轉。所謂經得過考驗就係，現時咁擾攘嘅社會動盪、𠵱家咁嘅時勢，我希望大家做好自己本份，我相信有好嘅明天！」
場地提供：SEVVA
