年屆34歲嘅基斯坦奴朗拿度,球員生涯已步入尾聲。呢位葡萄牙球星最近接受訪問時,提到自己掛靴後嘅打算:「目前我冇諗過做教練,因為我唔係做教練嘅好材料,但可能某一日我覺得好悶就會轉軚。」C朗更提到,2016年嘅歐國盃係佢最重要嘅獎盃,仲話平時滴酒不沾嘅佢,賽後都有飲酒,仲因為脫水太多,一飲就酒精上腦。