【本報訊】在警隊內做「異見分子」很難，若公開立場會被視為毒瘤遭排擠；對外又被市民敵視。阿輝坦言在運動初期已萌生辭職念頭，除了因自己是一名「黃絲」，也感到警民之間充滿不信任，自覺「份工好難做」。他慨嘆警察只視示威者為敵人，從沒嘗試理解示威者的想法及訴求，更沒想過他們脫下制服其實都是香港人。
五年前雨傘運動期間，有一名警員在驅散時將自己的水分給示威者飲用，阿輝說該名警員在今次運動中曾在facebook留言指警察不應使用過份武力、應設身處地在示威者立場去想等中立的說法，「就夾硬俾人屈佢話『係黃㗎喇，啲WhatsApp group踢走晒佢喇，唔好俾佢喺度攞機密資料喇』」。
「自覺正義者也謀離開警隊」
阿輝指警隊內部資訊非常單一，「總之逢係支持我嘅就會睇；反對我哋嗰啲呢就唔會睇，拒絕接收其他資訊」。他透露內部不同的WhatsApp群組會定期踢爆某同事是黃絲、或某同事立場與警隊主流意見有出入，繼而排擠他們。他從沒主動表明自己「黃絲」立場，「如果有，佢哋會恨不得你快啲走，快啲離開仲好啦，好似清除毒瘤咁」。
對內未能暢所欲言，對外亦不受歡迎。作為一名前線警員，阿輝早在運動初期已萌生辭職念頭，他憶述運動初期警民衝突未及現時激烈，還未出現汽油彈和橡膠子彈等，他在一次推進中目睹一名示威者在前方跌倒，他本能反應扶起對方，惟身旁同袍即制止，在場社工亦大叫「唔好打」。
被問到辭職有否被留難，阿輝笑言沒有，上級和同袍均勸他考慮清楚。他坦言慶幸年紀尚輕，包袱不重，「如果結咗婚、有宿舍就好難走」，所幸辭職決定得到家人、伴侶、朋友的支持。以他所知，部份離職警員加入保險行列「做住先」，寧願重新建立事業，亦恥與警隊為伍。脫下制服，放棄人工高、福利好的優差，會否覺得可惜？阿輝直言：「唔覺得，唔應該為咗錢放棄自己個立場」。
惟諷刺的是，有部份警員雖自覺是「正義超人」、站在真理一方，也籌謀離開警隊。「佢哋覺得自己做嘅嘢係正確嘅，都覺得呢個工作環境唔適合」，阿輝指這些警員只是基於家庭負擔，不能毅然離職。
■記者楊思雅