【本報訊】在平安夜旺角警民衝突中，一對情侶11時許途經塘尾道亞皆老街天橋底時，疑遭20多名「藍絲」襲擊，當時有市民施援手救走該對情侶，未料一男一女救人者反身陷險境，慘被暴徒用鎚及行山杖狂扑頭部，當場頭破血流，幸有其他途人及消防員相救脫身。
傷者之一Angela向《蘋果》表示對事件無怨無悔，因為她相信公義無價：「其實遇到唔公義嘅事，大家一定要企出嚟，因為團結就係力量，多你一個真係好多！大家唔可以袖手旁觀，唔好將香港變成第二個大陸，要一齊保護佢。」
Angela頭部受傷縫九針，左臉及腰紅腫，現時頭部仍隱隱作痛，她指當晚與朋友出發到元朗參加派對，駕車經過旺角塘尾道亞皆老街天橋底停燈位時，突見到約20多名男女追打一對情侶，她和男友人即下車了解，當時對方大叫：「唔好多事，唔係連你哋都打埋。有人唔做，要做曱甴！我就話，你哋打佢哋都冇意思，𠵱家咩事先？」其後暴徒繼續向該對情侶拳打腳踢，情侶不支倒地，男友用身軀保護女友。
冀大眾勿袖手旁觀
Angela衝過幫手救出女方，「好彩個男仔都企返起身，兩個都走甩咗！」但Angela與男友人卻因此成襲擊目標，施襲者更出動鎚、士巴拿、行山杖、電筒及疑似伸縮棍，她身邊的男友人被鐵鎚扑打。經過約數分鐘襲擊，最後一名疑似是指揮者、穿黑衣戴黑面巾的蒙面漢一聲令下「收隊，走、走、走」，此時防暴警才出現。其後數名年輕人出手幫她，消防員亦到場急救。
她的男友人頭部有三處傷痕縫了20多針，獲送廣華醫院，但他們最後選擇不入院，自行到私家醫院診治，她坦言「怕秋後算賬」。她指自己傷勢不算重，反擔心最初遇襲一對情侶的情況。
Angela回想事件，語帶感觸表示：「當時都好多人圍觀，如果大家肯幫手，成件事應該冇咁差！大家真係要幫手，唔可以袖手旁觀！」