據日本傳媒報道，早排離開荷甲維迪斯嘅日本中場本田圭佑，有機會加盟西乙嘅拉斯彭馬斯。拉斯彭馬斯目前喺西乙排緊第七位，仲有機會爭奪升班附加賽席位。上月初先加盟維迪斯嘅本田，周日突然宣佈離隊，外界估計同恩師施盧斯基有關。維迪斯近期成績欠佳，曾經同本田合作過嘅教練施盧斯基喺11月底被炒，最終本田決定離隊。