【本報訊】防暴警昨午在大埔超級城一度誤將同袍當示威者拘捕，其間更粗暴地向兩名便衣警箍頸及推向牆邊制服，其後知道是「自己人」始放人。有立法會議員認為事件正好證明市民指摘警方濫捕濫告是有根有據，又批評警方派便衣警喬裝市民只會惹來懷疑，甚至激起警民衝突，完全是錯誤部署。
喬裝示威者激起警民衝突
過去反修例風波以來，警方多次被揭發派出便衣警員，喬裝示威者混入群眾中進行拘捕行動，甚至被質疑有卧底警員刻意破壞挑起事端，令警方可以藉詞執法拘捕示威人士。公民黨立法會議員楊岳橋指，昨日防暴警在大埔超級城誤將兩名便衣警制服，「不外乎兩個可能，一係就證明咗警察根本係濫捕，一係就係便衣警做咗啲違法嘢，俾現場防暴警見到，抵拉。」他認為警方應就事件解釋清楚。
楊續稱，事件亦反映警方派便衣警喬裝示威市民，安排失當，「本身咁樣嘅行動部署就係錯誤，混入人群之中做乜先？完全幫唔到件事，更加惹人懷疑，激起警民衝突，𠵱家仲衰到俾自己人拉埋！」
民主黨立法會議員林卓廷亦表示，「好明顯防暴警對便衣警同違法嘅人都分辨唔到，喺現場係唔理三七二十一，全部拉晒先，證明過去市民不斷質疑警方濫捕濫告，係有根有據」。林卓廷指出，反修例風波以來，警方濫捕事件屢見不鮮，「無論市民係路過好，放工又好，冇參與示威都一樣照拉」。
林又批評，事件中防暴警亦分辨不了便衣警員，遑論要市民識別他們身份，但「往往市民要求呢啲所謂便衣警員證明自己身份，佢哋都唔會展示委任證，呢啲攞住伸縮警棍嘅人究竟係咪警察，市民唔會知」，警方做法極為不妥。
■記者黎家駒