陳同佳出獄超過兩個月，與罪人同行的聖公會教省秘書長管浩鳴向傳媒表示：「陳同佳並沒有改變去台灣自首的意欲，一決定時間會向外公布。」看了以上消息，忍不住浮想聯翩：原來管牧師仍對陳同佳不離不棄，但到底他們私下會聊什麼呢？以下「絕密對話」並非「江湖傳聞」，純屬我的幻想，如有雷同，亦合情理。
這天牧師來看大粒癦，說道：「佳佳，今日溫咗聖經未呀？」大粒癦說：「牧師，我讀咗啦。」 「背一句嚟聽下。」大粒癦應聲而誦：「我讀過很多俄羅斯作家的作品，如年輕時讀了車爾尼雪夫斯基的《怎麼辦？》後，在我心中引起了很大的震動。」牧師皺一皺眉頭：「聖經有呢句？」大粒癦說：「有呀牧師，呢一句係出自2014年10月15日文藝工作座談會呀。」牧師拍一拍自己的額頭，笑道：「都係後生仔記性好，我今晚都要溫下主席嘅語錄先！」
頓了一頓，牧師說：「講完正經嘢，循例都要問返你一句，諗成點呀？」大粒癦說：「牧師，你愛唔愛我？」牧師馬上面紅耳熱，一片靜默後，他終於鼓起勇氣說：「佳佳，神愛世人，但我個心早已經交託咗畀主席——」大粒癦說：「牧師，我諗你誤會咗，我嘅意思係，你愛唔愛護我呢啲年輕人呀？」牧師如釋重負，大力點頭：「好似你呢啲知錯能改、有擔當嘅年輕人，係我同國家嘅至愛！你又唔係曱甴，我絕對唔會放棄你㗎。」
大粒癦說：「如果你愛我，又何必成日問我諗成點呢？你都明㗎啦，我對香港同台灣嘅司法制度都冇信心，只有中國大陸嘅陽光司法，我先信得過㗎咋。」牧師長嘆一聲，緩緩點頭。大粒癦咧嘴而笑：「喺呢個世界上，我從來冇遇過一個好似你咁了解我嘅人。我自首嘅意欲從來都冇改變，你明㗎——只要統一台灣，主席全面控制兩岸三地嘅時候，我就會充滿信心，即刻起程去台灣自首㗎啦。主席說：『山再高，往上攀，總能登頂；路再長，走下去，定能到達。』」牧師摸摸大粒癦的頭，用普通話說：「你對美好生活的嚮往，就是我們的奮鬥目標。」他望着他，眼光中柔情無限。