【本報訊】11月10日警方於荃新天地附近多次發射催淚彈，化驗團隊發現催淚彈影響範圍遠至400米，而且無孔不入，即使沒有開窗的室內環境，也驗出每平方米1至10微克殘留物。根據天文台資料，當晚吹西北偏西風，正是警方推進方向。負責化驗的化學工程師李浩基說：「我哋喺佢（發射地點）下風位400米鹹田街位置都驗到CS，相信（最遠）距離唔止400米。」
兩歲童不適須洗眼
11月10日有網民發起「八區開花」抗爭，下午5時，荃新天地附近有警員在警車內向行人天橋上發射催淚彈，傷及now一名女記者。當晚8時半，沙嘴道路口催淚彈13連發，附近20多個地點全驗出CS殘留。
大屋街16樓一個單位一直沒有開窗，但在室內玻璃窗仍驗出1至10微克CS。戶主Mandy（化名）說：「晏晝出街之前都知有TG，閂晒所有窗，至夜晚9點半返到屋企都冇開過窗。10點零鐘我個女話隻眼痛，幫佢用水沖完眼之後，佢話『唔舒服，唔舒服』。好心痛，兩歲小朋友，覺得好無辜。」
雖然政府多次強調影響短暫，但絲毫不能釋除她的擔心，「我屋企有大有細，仲有寵物，每個人對化學物品反應都係唔同，都係一個未知」。
警方於民居肆意放催淚彈，太古城等大型屋苑經常遭殃，健康空氣行動高級社區關係經理龍子維說，密集建築群容易困着TG，積聚更多殘留，而擴散程度視乎「樓嘅密度，風向同樓群是平排，定係呈90度角阻擋（影響擴散方向）」，以及當時風向。本港大型屋苑多建於海旁，他舉例指「荃灣高樓集中喺海邊，擋咗啲風，催淚物質往往由高地向低地聚，所以附近較矮嘅唐樓可能影響較大」。
龍子維又批評香港大部份空氣監測站設在「離地」位置，催淚物質比空氣重，所以根本不能反映空氣受催淚彈影響的水平。
■記者程詩敏