【本報訊】不少商戶將近半年收入下跌歸咎於逆權運動，惟周小龍認為，生意大受打擊多為過份依賴旅客收入的商戶。他指，雖然店舖曾數次因為示威活動被逼關門，但他仍表示支持港人遊行集會，「民主社會，佢哋出嚟發聲冇問題㗎。」他認為政治事件應該以政治方法解決。
他亦支持成立獨立調查委員會，追究濫權的暴警，「但我唔同意無條件釋放被捕人士，如果要放，即係連濫權的警察都要放，咁樣我唔支持。」他指政府在今次的事件上，反應太不敏感，「用咗六個月先回應咗一個訴求，」他認為政府若繼續忽視民意，港人隨時再次憤怒上街，商戶也將會受到牽連。
周小龍表示願意支持示威者，但希望港人進行遊行活動時，多些考慮小商戶的處境，「你想我哋可以資助你哋嘅活動，幫手贊助購買物資、食物，但係我哋生意都做唔到，冇錢賺，你叫我哋點幫你哋？如果能夠有錢賺，唔使你叫，我都會出錢幫你哋呀！」