啱Channel主辦的民間頒獎禮「告別大台．我們的頒獎禮」前晚在旺角舉行，得獎者王喜、王宗堯及周庭分別在後台受訪，王喜提到最近好多劫案發生，他說：「呢個係佢哋決定用呢個態度返工嘅後果，如果警隊嘅成立目的，係去保護他人生命及財產，必定會去實踐呢個宗旨。𠵱家警察誓章有冇呢一句？我就搵唔到喇！」王宗堯則相信終有一日會煲底見：「今年成件事好轟烈，好多傷亡、好多冇諗過喺香港發生嘅事。」周庭提醒大眾不要習慣及忘記初心：「唔好太多人中槍、坐監就麻木咗。」
周庭：成功一定會嚟
頒獎禮上，王喜獲頒最佳指揮交通市民大獎，他致辭感謝每位港人在過去半年將所知的服務香港、服務市民。王宗堯獲頒最意志堅定大獎，他說：「好開心仲可以見到好多人坐喺度，香港警察仲未拉得晒我哋。」周庭獲頒最佳日語演繹大獎，螢幕播出她與何君堯的合照，周庭說：「一隻同黑社會握過嘅手，竟然拍過我膊頭，真係好羞恥。當年嘅何君堯其實只係替代，估唔到我會同一個最厚顏無恥嘅議員拍過節目。2019年係充滿痛苦嘅一年，希望2020會係除低面罩喺煲底相見。成功係一條長路，會流血，但成功一定會嚟。」
Hugo率隊唱《山下見》
早前《全民造星II》Hugo在決賽邀請Retroll hip hop隊友創作新歌《山下見》，歌詞打動網民。前晚Hugo再次上台唱《山下見》，他說：「今日係第199日，我哋由炎暑走入暖冬，其實呢首歌原本係叫《Promise》，因為我哋知道會喺山下見到大家。」Rubberband獲頒最擁抱未來大獎，獻唱《未來見》，主音6號說：「衷心用呢首歌祝福香港我哋呢塊土地，2020年有自己方向要行，會更好。」最後《願榮光歸香港》成為「2019我最喜愛歌曲」，有觀眾大叫「唱國歌，起立！」
採訪：黃曉妍
攝影：仇志德