已故藝人陳百強（Danny）今年入行40周年，歌迷會為他在中環大會堂籌辦「40週年陳百強珍藏展」，昨日他的兄姊陳百靈及陳小儀、孫秉樞博士及好友陳欣健到場支持，現場展出陳百強唱片、電影海報及經典錄音帶等物品。
陳欣健憶述和陳百強在70年代透過做節目認識，當時他覺得對方十分英俊：「後來我哋一齊寫歌，有段時間經常去disco跳舞，當時Danny仔好乖，真係淨係去跳舞，冇第二啲嘢，每次一跳都半個鐘，玩到成身汗。」他感謝歌迷會歷年來十分愛錫偶像，陳欣健說：「電影《喝采》喺舊年同今年都播放過，將Danny仔短暫人生激活，大家不時見到佢消息，好似冇離開過大家。」
採訪：卓寶花
攝影：陳俊強